تہران: ایران میں سالانہ مہنگائی کی شرح 66 فیصد تک پہنچ گئی ہے۔ ایرانی شماریاتی مرکز کے جاری کردہ سرکاری اعداد و شمار کے مطابق گزشتہ 12 ماہ کے دوران کم از کم 8 بنیادی اشیاء کی قیمتیں دوگنا سے بھی زیادہ ہوچکی ہیں۔
رپورٹ کے مطابق ایران میں خوراک اور مشروبات کی قیمتوں میں سالانہ بنیادوں پر 128 فیصد اضافہ ریکارڈ کیا گیا، جبکہ جولائی میں ماہانہ مہنگائی کی شرح 3.1 فیصد رہی۔
عرب میڈیا کے مطابق بڑھتی مہنگائی ایران میں زندگی گزارنے کے اخراجات کے بحران کی شدت کو ظاہر کرتی ہے۔ بین الاقوامی پابندیوں اور علاقائی تنازعات کے باعث ایرانی معیشت کو بھی شدید دباؤ کا سامنا ہے۔
