میر رضا کیس میں والد میر حسین نے انصاف کے حصول تک جدوجہد جاری رکھنے کے عزم کا اظہار کرتے ہوئے کہا ہے کہ جب تک انصاف نہیں ملتا وہ پیچھے نہیں ہٹیں گے، چاہے اس میں کئی دن ہی کیوں نہ لگ جائیں۔
میڈیا سے گفتگو کرتے ہوئے میر حسین نے سوال اٹھایا کہ آخر وہ کون ہے جسے پہلے دن سے بچانے کی کوشش کی جا رہی ہے۔ انہوں نے الزام عائد کیا کہ جس میڈیکل بورڈ پر انہیں اعتماد تھا، اس کے ذریعے قبر کشائی کرانے کے بجائے رات گئے انہیں اعتماد میں لیے بغیر نئے میڈیکل بورڈ کی تشکیل کا نوٹیفکیشن جاری کر دیا گیا۔
میر حسین نے کہا کہ اس فیصلے نے ان کے تحفظات میں مزید اضافہ کر دیا ہے۔ ان کا کہنا تھا کہ اگر مقامی سطح پر قابل اعتماد ماہرین دستیاب نہیں تو ضرورت پڑنے پر تھرپارکر، مٹھی یا حیدرآباد سے بھی ماہرین کو بلایا جا سکتا ہے۔
