غیر معمولی اتار چڑھاؤ کے بعد کاروبار میں مندی

کراچی (25 اکتوبر 2025): پاکستان اسٹاک ایکسچینج میں ہفتہ وار کاروبار کی صورت حال یوں ہے کہ غیر معمولی اتار چڑھاؤ کے بعد کاروبار میں مندی رہی۔
ہفتہ بھر میں 100 انڈیکس میں 502 پوائنٹس کی کمی ہوئی، کاروباری ہفتے میں انڈیکس 163,806 سے گھٹ کر 163,304 پوائنٹس پر بند ہوا، اور ہفتۂ رفتہ کے دوران مارکیٹ میں 3 دن مندی اور 2 دن تیزی رہی۔
ہفتہ وار کاروبار کے دوران انڈیکس 1 لاکھ 68 ہزار 414 کی بلند ترین سطح پر ٹریڈ ہوا، 100 انڈیکس کی ہفتہ وار کم ترین سطح 1 لاکھ 63 ہزار 41 پوائنٹس رہی۔
پاکستانی کرنسی کے مقابلے میں امریکی ڈالر سستا
5 روزہ کاروبار کے دوران مارکیٹ کیپٹلائزیشن میں 153 ارب روپے کی کمی ہوئی، مارکیٹ کیپٹلائزیشن ایک ہفتے میں کم ہو کر 18814 ارب روپے رہ گئی، مندی کے باعث ہفتے کے دوران 50.35 فی صد حصص کی قیمتیں گھٹ گئیں۔
بازار حصص میں 991 کمپنیوں کے حصص کی قیمت بڑھ گئی، جب کہ 12085 میں کمی ہوئی، ماہرین کا کہنا ہے کہ میوچل فنڈز کی جانب سے فروخت اور منافع حاصل کرنے کا رجحان مندی کی وجہ بنا ہے۔