چنیوٹ: حالیہ سیلاب میں کتنے افراد بے گھر ہوئے؟ رپورٹ جاری

حالیہ تباہ کن سیلاب میں 2 لاکھ  45 ہزار افراد بے گھر ہوئے، سیلاب سے 1 لاکھ 46 ہزار ایکڑ زرعی رقبہ تباہ ہوا۔
چنیوٹ کی ضلعی انتظامیہ نے حکومت کو بھیجی جانیوالی رپورٹ اےآر وائی نیوز نے حاصل کرلی، جس کے مطابق سیلاب سے 1 لاکھ 46 ہزار ایکڑ زرعی رقبہ تباہ ہوگیا جبکہ 27.53 ارب روپے کا نقصان ہوا۔
،ضلعی انتظامیہ کا بتانا ہے کہ سیلابی ریلوں سے 74 سڑکیں تباہ ہوئیں جس سے نقصان 15.55 ارب روپے تک پہنچ گیا، سڑکیں تباہ ہونے سے کئی دیہاتی علاقوں کا زمینی رابطہ منقطع ہوگیا۔
حالیہ سیلاب میں 7 اسکول اور 1 کالج متاثر ہوا، تعلیمی اداروں کو 52 کروڑ روپے کا نقصان ہوا، ایک دیہی مرکز صحت تباہ ہوا، صحت کے شعبے کو 1 کروڑ روپے کا نقصان ہوا، متاثرہ خاندانوں کی بحالی کے لیے حکمت عملی تیار کی جا رہی ہے۔
ضلعی انتظامیہ کا کہنا ہے کہ صنعت، بجلی، گیس سمیت دیگر نقصانات کا ڈیٹا اکٹھا کیا جا رہا ہے، یہ صرف ابتدائی تخمینہ ہے، حتمی رپورٹ بعد میں جاری کی جائے گی۔
زرعی شعبے میں ٹیکنالوجی کے استعمال سے اربوں ڈالر سالانہ آمدن کا امکان ھے