اسلام آباد: وزیراعظم شہباز شریف ایران اور ترکیہ کے پانچ روزہ سرکاری دورے پر روانہ ہو رہے ہیں۔ دورے کے پہلے مرحلے میں وہ ایران جائیں گے جہاں وہ آیت اللہ علی خامنہ ای کی نمازِ جنازہ اور آخری رسومات میں شرکت کریں گے۔
وزیراعظم کے ہمراہ نائب وزیراعظم، وفاقی کابینہ کے ارکان اور اعلیٰ سطحی وفد بھی موجود ہوگا۔ اس موقع پر وزیراعظم ایران کے ساتھ پاکستان کی یکجہتی، ہمدردی اور دوطرفہ تعاون کے عزم کا اظہار کریں گے۔
دوسری جانب چیئرمین سینیٹ یوسف رضا گیلانی کی قیادت میں ایک پاکستانی وفد پہلے ہی تہران پہنچ چکا ہے، جس میں گورنر خیبرپختونخوا فیصل کریم کنڈی، جماعت اسلامی کے رہنما لیاقت بلوچ اور مختلف سیاسی و مذہبی شخصیات شامل ہیں۔
