اسلام آباد: پاکستان ٹیلی کمیونیکیشن اتھارٹی نے اعلان کیا ہے کہ بین الاقوامی زیرِ سمندر کیبل میں پیدا ہونے والی تکنیکی خرابی کامیابی سے دور کر دی گئی ہے، جس کے بعد ملک بھر میں انٹرنیٹ سروس مکمل طور پر بحال ہو گئی ہے۔
اتھارٹی کے مطابق کیبل میں خرابی کے باعث گزشتہ روز صارفین کو انٹرنیٹ کی رفتار میں کمی اور کنیکٹیویٹی کے مسائل کا سامنا کرنا پڑا تھا۔ تاہم مرمتی کام مکمل ہونے کے بعد اب انٹرنیٹ ٹریفک معمول کے مطابق جاری ہے اور سروس بلا تعطل فراہم کی جا رہی ہے۔
واضح رہے کہ گزشتہ روز مختلف شہروں سے انٹرنیٹ کی سست روی کی شکایات موصول ہوئی تھیں۔
