پاکستان شوبز انڈسٹری کی ابھرتی ہوئی اداکارہ سحر ہاشمی اپنے حالیہ ڈراموں میں رومانوی مناظر کے باعث ایک بار پھر تنقید اور بحث کا مرکز بن گئی ہیں۔
سحر ہاشمی نے اپنے کیریئر کا آغاز ڈرامہ “ظلم“ سے کیا تھا اور اس کے بعد متعدد کامیاب پروجیکٹس میں اپنی اداکاری سے پہچان بنائی۔ وہ ان دنوں مختلف ڈراموں میں اپنی پرفارمنس کے باعث توجہ حاصل کر رہی ہیں۔
اس سے قبل ڈرامہ “من مست ملنگ” کے کچھ مناظر وائرل ہونے پر انہیں سوشل میڈیا پر تنقید کا سامنا کرنا پڑا تھا، جبکہ اب ان کے نئے ڈراموں “زنجیریں” اور “شیدائی” کے بعض رومانوی سینز بھی بحث کا موضوع بنے ہوئے ہیں۔
سوشل میڈیا پر بعض صارفین ان مناظر پر اعتراض کرتے ہوئے ان کا موازنہ بھارتی اداکار عمران ہاشمی سے کر رہے ہیں، جبکہ دوسری جانب ان کے مداحوں کا کہنا ہے کہ یہ مناظر کہانی اور کردار کی ضرورت کے مطابق ہوتے ہیں۔
اداکارہ سحر ہاشمی کا مؤقف ہے کہ وہ ہر کردار کو کہانی کے تقاضوں کے مطابق نبھاتی ہیں اور پیشہ ورانہ انداز میں اداکاری کرتی ہیں۔
