معرکۂ حق کی کامیابی کو ایک سال مکمل ہونے پر شوبز شخصیات نے پاک فوج کو زبردست خراجِ تحسین پیش کیا ہے۔ مختلف اداکاروں، گلوکاروں اور فنکاروں نے اپنے پیغامات میں ملکی دفاع اور استحکام کے لیے پاک فوج کی عظیم قربانیوں کو سراہتے ہوئے اسے قومی سلامتی کا ضامن قرار دیا۔
شوبز شخصیات کا کہنا تھا کہ مضبوط فوج ہی محفوظ پاکستان کی ضمانت ہے اور پاک فوج نے معرکۂ حق میں دشمن کو مؤثر جواب دے کر قوم کا سر فخر سے بلند کیا۔ فنکاروں نے کہا کہ وطن کے دفاع کے لیے جانوں کا نذرانہ پیش کرنے والے جوان پوری قوم کا فخر ہیں۔
سوشل میڈیا پر بھی متعدد معروف شخصیات نے پاک فوج کے حق میں پیغامات جاری کیے اور قومی یکجہتی، حب الوطنی اور دفاعِ وطن کے جذبے کو اجاگر کیا۔ شوبز ستاروں نے اس عزم کا اظہار کیا کہ پوری قوم اپنی افواج کے ساتھ کھڑی ہے اور ملکی سلامتی کے لیے ہر قربانی دینے کو تیار ہے۔
