امریکی وزیر خارجہ مارکو روبیو نے کہا ہے کہ آبنائے ہرمز ایک عالمی گزرگاہ ہے جسے کوئی بھی ملک اپنے کنٹرول میں نہیں لے سکتا، جبکہ ایران کو فوری طور پر مذاکرات کی میز پر آنا چاہیے۔
مارکو روبیو نے اپنے بیان میں کہا کہ امریکا کی جانب سے شروع کیا گیا آپریشن ’’پروجیکٹ فریڈم‘‘ انسانی جانوں کے تحفظ، عالمی بحری تجارت کے تسلسل اور خطے میں استحکام برقرار رکھنے کے لیے ہے۔ انہوں نے واضح کیا کہ امریکا ایران کو آبنائے ہرمز پر کنٹرول قائم کرنے کی اجازت نہیں دے گا۔
امریکی وزیر خارجہ کا کہنا تھا کہ عالمی برادری کو خطے میں کشیدگی کم کرنے کے لیے مشترکہ کوششیں کرنا ہوں گی، کیونکہ آبنائے ہرمز عالمی توانائی سپلائی کے لیے انتہائی اہم گزرگاہ ہے۔ ان کے مطابق کسی بھی قسم کی رکاوٹ عالمی معیشت اور تیل کی منڈیوں پر براہِ راست اثر ڈال سکتی ہے۔
مارکو روبیو نے ایران پر زور دیا کہ وہ معاملات کو مزید پیچیدہ بنانے کے بجائے سفارتی راستہ اختیار کرے اور مذاکرات کے ذریعے تنازع کے حل کی جانب پیش رفت کرے۔
