دنیا کے معروف یوٹیوبر جمی ڈونلڈسن المعروف مسٹر بیسٹ نے یوٹیوب پر 500 ملین سبسکرائبرز حاصل کر کے نئی تاریخ رقم کر دی ہے۔ وہ یہ سنگ میل عبور کرنے والے پہلے یوٹیوبر بن گئے ہیں۔
رپورٹس کے مطابق ان کے تقریباً 40 فیصد سبسکرائبرز کی عمر 13 سے 17 سال جبکہ 20 فیصد کی عمر 18 سے 24 سال کے درمیان ہے۔ مسٹر بیسٹ نومبر 2022 میں سب سے زیادہ سبسکرائبرز رکھنے والے انفرادی ڈیجیٹل کری ایٹر بنے تھے، جبکہ جون 2024 میں انہوں نے یوٹیوب کے تمام چینلز کو پیچھے چھوڑ دیا تھا۔ ایک انٹرویو میں انہوں نے انکشاف کیا تھا کہ وہ یوٹیوب سے سالانہ 600 سے 700 ملین ڈالر تک کماتے ہیں۔
