پاکستان کے معروف گلوکار، اداکار اور موسیقار علی ظفر نے کینیڈا میں ایک تاریخی کانسرٹ کے دوران نیا ریکارڈ قائم کر دیا۔
کینیڈا کے شہر مسی ساگا کے سیلبریشن اسکوائر میں منعقدہ اوپن ائیر کانسرٹ میں تقریباً 45 ہزار افراد نے شرکت کی، جسے منتظمین نے اس مقام کی تاریخ کا سب سے بڑا میوزیکل اجتماع قرار دیا۔ شائقین کی غیر معمولی تعداد کے باعث مجمع سیلبریشن اسکوائر سے نکل کر اطراف کی سڑکوں اور قریبی علاقوں تک پھیل گیا۔ علی ظفر کے روشنی ٹور 2026 کے شمالی امریکا مرحلے کے اختتامی شو میں پاکستان، بھارت، بنگلا دیش اور دیگر جنوبی ایشیائی کمیونٹیز سے تعلق رکھنے والے ہزاروں افراد نے بھرپور جوش و خروش کے ساتھ شرکت کی۔
