کراچی: محمد رضوان کے قریبی ذرائع کا کہنا ہے کہ پاکستان کرکٹ بورڈ (پی سی بی) نے قومی کرکٹر کو میڈیا سے گفتگو کی اجازت دینے سے انکار کردیا۔
ذرائع کے مطابق محمد رضوان نے پی سی بی سے دو مرتبہ میڈیا ٹاک کی اجازت طلب کی، تاہم دونوں بار انہیں اجازت نہیں دی گئی۔
ذرائع کا کہنا ہے کہ رضوان لارڈز ٹیسٹ کے بعد ضبط کیے گئے موبائل فون سے متعلق تفصیلات اور اپنے اوپر عائد الزامات کے بارے میں اپنا مؤقف عوام کے سامنے رکھنا چاہتے تھے۔
ذرائع کے مطابق کرکٹر آئی سی سی کو لکھے گئے خط سے متعلق بھی تفصیلات بتانا چاہتے تھے اور سینٹرل کنٹریکٹ کی شق 4.1 کے تحت اجازت لیتے ہوئے شق 16 کے حوالے سے اپنا مؤقف پیش کرنا چاہتے تھے۔
واضح رہے کہ شق 4.1 کے مطابق کھلاڑی متعلقہ اجازت کے بغیر عوامی بیان نہیں دے سکتا، جبکہ شق 16 پی سی بی اور کھلاڑی کے درمیان باہمی تعاون سے متعلق ہے۔
