ٹرمپ انتظامیہ نے غیر ملکی طلبہ اور صحافیوں کے لیے نئی ویزا قوانین میں بڑی تبدیلیوں کا اعلان کیا ہے۔
امریکی محکمہ ہوم لینڈ سکیورٹی کے مطابق یہ اقدام ویزا کی خلاف ورزیوں کو روکنے، نگرانی کو بہتر بنانے اور قومی سلامتی کو یقینی بنانے کے لیے اٹھایا گیا ہے۔
ہوم لینڈ سکیورٹی کے مطابق نئی پولیسی کے تحت ایف ویزا رکھنے والے غیر ملکی طلبہ اب صرف اپنے تعلیمی پروگرام کی مدت تک قیام کر سکیں گے، جس کی حد زیادہ سے زیادہ چار سال ہوگی، جبکہ غیر ملکی صحافیوں کو 240 دن کا ویزا دیا جائے گا، جس میں توسیع صرف اجازت ملنے پر ممکن ہوگی
