پنجاب کے مختلف سیلاب سے متاثرہ علاقوں میں پاک فوج کے دستے ریسکیو اور ریلیف سرگرمیوں میں بھرپور انداز میں مصروف عمل ہیں۔
فوجی جوان ہیلی کاپٹرز اور کشتیوں کے ذریعے متاثرہ افراد کو محفوظ مقامات تک منتقل کر رہے ہیں۔گجرانوالہ، ہیڈ خانکی، سیالکوٹ اور نارووال سمیت مختلف علاقوں میں سینکڑوں شہریوں، جن میں بزرگ، خواتین اور بچے شامل ہیں، پاک فوج نے سول انتظامیہ کے ساتھ مل کر ریسکیو اور ریلیف کیمپس بھی قائم کیے ہیں، جہاں سیلاب متاثرین کو فوری طبی امداد سمیت دیگر بنیادی سہولیات فراہم کی جا رہی ہیں۔
ان کیمپس میں خوراک، پانی اور ابتدائی طبی امداد کا مکمل انتظام کیا گیا ہے۔
پنجاب میں پاک فوج، رینجرز اور ریسکیو سمیت مختلف اداروں نے سیلابی صورتحال کے دوران بروقت ریسکیو آپریشن کرتے ہوئے ساڑھے 9 ہزار سے زائد شہریوں کو محفوظ مقامات پر منتقل کر دیا۔پاک فوج کے جوانوں نے سرگودھا کے علاقے گورنہ پٹھاناں سمیت دیگر علاقوں میں سیلاب میں گھرے افراد کو کشتیوں کے ذریعے محفوظ مقامات پر منتقل کیا۔
گوجرانوالہ میں سیلاب کے باعث گھروں کی چھتوں پر پھنسے شہریوں کو پاک فوج نے ہیلی کاپٹر کے ذریعے ریسکیو کر لیا۔
