صومالی جہاز پر قید پاکستانی عملے کی رہائی کے لیے سفارتی کوششیں مزید تیز

صومالی جہاز پر قید پاکستانی عملے کی محفوظ رہائی کے لیے سفارتی سرگرمیوں میں تیزی آ گئی ہے۔ وزیر بحری امور جنید انوار چوہدری نے اس سلسلے میں نائب وزیراعظم و وزیر خارجہ اسحاق ڈار سے ٹیلیفونک رابطہ کیا، جبکہ پاکستان میں صومالیہ کے سفیر سے بھی بات چیت کی۔ گفتگو کے دوران پاکستانی عملے کی جلد اور محفوظ رہائی کے لیے اقدامات مزید تیز کرنے پر زور دیا گیا۔ جنید انوار چوہدری کا کہنا تھا کہ اپریل میں واقعے کی اطلاع ملتے ہی انسانی ہمدردی کی بنیاد پر کوششیں شروع کر دی گئی تھیں اور وزارت خارجہ و صومالی سفارت خانے کے ساتھ مسلسل رابطہ برقرار ہے۔