ایران اسرائیل کشیدگی، عراق اور شام کی فضائی حدود بند

ایران اور اسرائیل کے درمیان تازہ حملوں کے بعد عراق اور شام نے اپنی فضائی حدود بند کر دی ہیں۔ نوٹم کے مطابق عراق نے 72 گھنٹوں کے لیے اپنی فضائی حدود میں تمام آمد و رفت اور اوور فلائنگ کمرشل پروازیں معطل کر دی ہیں۔ دوسری جانب مشرق وسطیٰ میں بڑھتی ہوئی کشیدگی اور عالمی ہوا بازی حکام کی وارننگ کے پیش نظر شام نے بھی اپنی فضائی حدود سے پروازوں اور اوور فلائنگ پر پابندی عائد کر دی ہے۔ بغداد اور دمشق ایئرپورٹس پر رات 10 بجے کے بعد سے پروازوں کی آمد و روانگی بند ہے، جبکہ دونوں ممالک کی فضائی حدود گزشتہ کئی گھنٹوں سے مکمل طور پر بند ہیں۔