راولپنڈی کے جوڈیشل کمپلیکس میں مبینہ نازیبا حرکات اور محفلِ رقص کی ویڈیو سامنے آنے کے بعد پولیس نے مقدمہ درج کر لیا ہے۔ ایف آئی آر سیشن کورٹ کے چوکیدار کی مدعیت میں تھانہ سول لائنز میں درج کی گئی۔
مقدمے کے متن کے مطابق سوشل میڈیا پر وائرل ویڈیو میں مرد و خواتین کو جوڈیشل کمپلیکس کے اندر نازیبا حرکات کرتے ہوئے دیکھا جا سکتا ہے۔ پولیس کا کہنا ہے کہ واقعہ وکلاء کے زیر استعمال حصے میں پیش آیا اور ویڈیو میں شامل افراد کے چہرے واضح طور پر نظر آ رہے ہیں۔ مقدمہ درج ہونے کے بعد ملزمان کی تلاش اور مزید تحقیقات کا آغاز کر دیا گیا ہے۔
