ایران نے اسرائیل کے خلاف فوجی کارروائیاں روکنے کا اعلان کر دیا

ایرانی پاسدارانِ انقلاب کے ترجمان نے اعلان کیا ہے کہ اسرائیل کے خلاف جاری فوجی کارروائیاں ختم کر دی گئی ہیں، تاہم خبردار کیا ہے کہ اگر اسرائیل نے بیروت پر دوبارہ حملہ کیا تو بھرپور جواب دیا جائے گا۔ دوسری جانب ایرانی وزارت خارجہ کے ترجمان اسماعیل بقائی نے کہا ہے کہ ایران اور امریکا کے درمیان پیغامات کا تبادلہ جاری ہے اور پاکستان دونوں ممالک کے درمیان اہم ثالثی کردار ادا کر رہا ہے۔ ادھر امریکی صدر ڈونلڈ ٹرمپ نے ایران اور اسرائیل پر زور دیا ہے کہ فوری طور پر حملے بند کریں۔ ان کا کہنا تھا کہ جنگ بندی اور امن معاہدے کے لیے مذاکرات جاری ہیں اور اگر کوئی رکاوٹ نہ آئی تو پیش رفت برقرار رہے گی۔