ایران کی جانب سے جنگ کے خاتمے سے متعلق امریکی تجاویز پر آج اہم ردعمل سامنے آنے کا امکان ہے۔ بین الاقوامی میڈیا رپورٹس کے مطابق امریکی اور ایرانی حکام کے درمیان جاری سفارتی رابطوں میں پیشرفت ہوئی ہے اور دونوں فریق جنگ بندی معاہدے کے قریب پہنچتے دکھائی دے رہے ہیں۔ ذرائع کا کہنا ہے کہ ایران ثالث ممالک کے ذریعے امریکا کو اپنے مؤقف سے آگاہ کرے گا۔
رپورٹس کے مطابق حالیہ مذاکرات میں متعدد معاملات پر پیشرفت ہوئی ہے جبکہ خطے میں کشیدگی کم کرنے کیلئے سفارتی کوششیں تیز کر دی گئی ہیں۔ مبصرین کے مطابق ایران کے متوقع ردعمل کے بعد مذاکرات کے آئندہ مرحلے اور ممکنہ معاہدے کے امکانات مزید واضح ہو سکیں گے۔
