مغربی افریقی ملک مالی میں القاعدہ سے وابستہ شدت پسند گروہ جے این آئی ایم کے حملوں کے بعد سیکیورٹی صورتحال انتہائی تشویشناک ہو گئی ہے۔ عالمی میڈیا رپورٹس کے مطابق شدت پسندوں نے مالی کی ایک بڑی جیل پر حملہ کر دیا جس کے بعد ملک بھر میں خوف و ہراس کی فضا پھیل گئی۔ حملے کے بعد سیکیورٹی اداروں کو ہائی الرٹ کر دیا گیا ہے جبکہ مختلف علاقوں میں کشیدگی میں اضافہ دیکھا جا رہا ہے۔
رپورٹس کے مطابق القاعدہ سے وابستہ جنگجوؤں نے دارالحکومت باماکو کا محاصرہ کرنے اور وہاں خوراک کی سپلائی متاثر کرنے کی کوششیں بھی شروع کر دی ہیں، جس سے انسانی بحران کا خدشہ بڑھ گیا ہے۔ مبصرین کے مطابق شدت پسند گروہوں کی بڑھتی سرگرمیاں نہ صرف مالی بلکہ پورے خطے کے امن و استحکام کیلئے خطرہ بن سکتی ہیں۔
