امریکی صدر نے کہا ہے کہ ایران اب شدت سے معاہدہ کرنا چاہتا ہے اور دونوں ممالک کے درمیان ڈیل کے امکانات پہلے سے زیادہ روشن ہو گئے ہیں۔ اپنے بیان میں انہوں نے کہا کہ گزشتہ 24 گھنٹوں کے دوران ایران کے ساتھ مثبت بات چیت ہوئی ہے اور تہران کئی اہم معاملات پر آمادگی ظاہر کر چکا ہے، جن میں جوہری پروگرام کو آگے نہ بڑھانے کا معاملہ بھی شامل ہے۔
ڈونلڈ ٹرمپ کے مطابق امریکا ایران کے حوالے سے مضبوط پوزیشن میں ہے اور حالات بہتر سمت میں جا رہے ہیں۔ انہوں نے کہا کہ اب یہ ممکن دکھائی دیتا ہے کہ دونوں ممالک کے درمیان معاہدہ طے پا جائے، تاہم امریکا کی بنیادی ترجیح یہی ہے کہ ایران کے پاس ایٹمی ہتھیار نہ ہوں۔ ٹرمپ کا کہنا تھا کہ واشنگٹن ایران سے وہ حاصل کرے گا جو امریکا کیلئے ضروری ہے جبکہ سفارتی کوششیں جاری رہیں گی۔
