چینی میڈیا رپورٹس میں انکشاف کیا گیا ہے کہ چین کے پہلے اسٹیلتھ جنگی طیارے کا نیا ماڈل تیار کر لیا گیا ہے، جس پر چینی فضائیہ کے بجائے سرکاری دفاعی ادارے ایوی ایشن انڈسٹری کارپوریشن آف چائنا کا لوگو نصب ہے۔ رپورٹس کے مطابق یہی ادارہ بیرونِ ملک چینی جنگی طیاروں کی فروخت کا ذمہ دار ہے، جس سے یہ عندیہ ملتا ہے کہ کو برآمدی مقاصد کیلئے تیار کیا جا رہا ہے۔
ذرائع کے مطابق چینی حکومت نے J-35AE کو ایکسپورٹ کرنے کا فیصلہ کر لیا ہے اور پاکستان اس جدید اسٹیلتھ طیارے کا پہلا ممکنہ خریدار ہو سکتا ہے۔ دفاعی ماہرین کا کہنا ہے کہ اگر یہ معاہدہ طے پاتا ہے تو پاک چین دفاعی تعاون میں ایک اہم پیشرفت ہوگی جبکہ خطے میں فضائی طاقت کے توازن پر بھی اس کے اثرات مرتب ہو سکتے ہیں۔
