سعودی عرب میں ادارہ امورِ حرمین نے عازمینِ حج کیلئے جدید ڈیجیٹل سہولت متعارف کرا دی ہے۔ دینی امور کے سربراہ شیخ ڈاکٹر عبدالرحمن السدیس نے کلاؤڈ کمیونیکیشن سسٹم کا افتتاح کیا، جس کا مقصد دنیا بھر سے آنے والے حجاج سے مؤثر رابطہ قائم کرنا اور ان کے سوالات کے فوری جوابات فراہم کرنا ہے۔ حکام کے مطابق یہ جدید نظام عازمینِ حج کو بہتر دینی رہنمائی اور معلومات کی فراہمی میں اہم کردار ادا کرے گا۔
ادارہ امورِ حرمین کا کہنا ہے کہ یہ اقدام سعودی عرب میں ڈیجیٹل تبدیلی کو فروغ دینے اور حرمین شریفین میں دینی خدمات کے معیار کو مزید بہتر بنانے کی کوششوں کا حصہ ہے۔ نئی ٹیکنالوجی کے ذریعے حجاج کو جدید، تیز اور مؤثر سہولیات فراہم کرنے پر خصوصی توجہ دی جا رہی ہے۔
