کراچی: محکمہ موسمیات نے شہر قائد سمیت صوبے کے مختلف علاقوں کے لیے آئندہ تین روز کی موسم کی پیش گوئی جاری کر دی ہے۔
محکمہ موسمیات کے مطابق کراچی میں آئندہ 3 دنوں کے دوران موسم جزوی طور پر ابر آلود رہنے اور صبح و رات کے اوقات میں بوندا باندی کا امکان ہے۔ اس دوران سمندری ہوائیں بھی فعال رہنے کی توقع ظاہر کی گئی ہے۔
ماہرین کے مطابق کراچی میں درجہ حرارت 34 سے 36 ڈگری سینٹی گریڈ کے درمیان رہ سکتا ہے، جبکہ ساحلی علاقوں میں کہیں کہیں ہلکی بارش اور بوندا باندی کا امکان برقرار رہے گا۔
محکمہ موسمیات نے مزید بتایا کہ مغربی ہواؤں کے زیر اثر آج جیکب آباد، کشمور، قمبر شہداد کوٹ، شکارپور، لاڑکانہ، سکھر، دادو، خیرپور، سانگھڑ، نوشہرو فیروز، شہید بینظیر آباد اور جامشورو میں چند مقامات پر گرد آلود ہوائیں، آندھی اور گرج چمک کے ساتھ ہلکی بارش ہو سکتی ہے۔
