قومی ٹیم کے آل راؤنڈر شاداب خان نے ٹی ٹوئنٹی ورلڈکپ میں اعتماد کا اظہار کرتے ہوئے کہا ہے کہ ٹیم صرف سیمی فائنل نہیں بلکہ فائنل کھیل کر واپس جائے گی۔
سوشل میڈیا پر وائرل ویڈیو میں صحافی کے سوال پر انہوں نے واضح کیا کہ ٹیم کا ہدف ٹائٹل تک پہنچنا ہے۔ یاد رہے کہ پاکستان کرکٹ ٹیم کو اپنے گزشتہ میچ میں بھارت کرکٹ ٹیم کے ہاتھوں 61 رنز سے شکست ہوئی تھی جبکہ اب 18 فروری کو نمیبیا کرکٹ ٹیم کے خلاف میچ ڈو اینڈ ڈائی حیثیت اختیار کرگیا ہے، پاکستان کی سپر ایٹ مرحلے تک رسائی کیلئے جیت ضروری ہے تاہم بارش کی صورت میں بھی قومی ٹیم اگلے مرحلے میں پہنچ سکتی ہے۔
