چین میں روبوٹ سازی کے شعبے میں بہت تیزی سے پیشرفت جاری ہے۔ اب ایک چینی کمپنی نے ایسے انسان نما روبوٹس تیار کیے ہیں جو جنگی فنون کے بھی ماہر ہیں۔
کمپنی کی جانب سے جاری ویڈیو میں یہ روبوٹس کنگ فو کی مشق کرتے اور مکمل ہم آہنگی و درستگی کے ساتھ حرکات انجام دیتے دکھائی دیتے ہیں۔
یہ روبوٹس چین کے معروف شاؤلین مندر میں کنگ فو کا مظاہرہ کرتے نظر آئے۔ کمپنی کے مطابق مصنوعی ذہانت سے لیس یہ روبوٹس روایتی جنگی فنون میں مہارت رکھتے ہیں۔
انہیں ایگی بوٹ نامی کمپنی نے تیار کیا ہے اور یہ توازن و رفتار میں کافی حد تک انسانوں جیسے ہیں۔ ویڈیو فروری کے ابتدائی دنوں میں سامنے آئی اور اب تیزی سے پھیل رہی ہے۔
