بنگلادیش میں حالیہ عام انتخابات میں کامیابی کے بعد طارق رحمان نے وزیراعظم کے عہدے کا حلف اٹھا لیا، ان سے حلف محمد شہاب الدین نے جاتیہ سنگساد بھابھن میں لیا جبکہ تقریب میں پاکستان کے وزیر منصوبہ بندی احسن اقبال سمیت مختلف ممالک کے نمائندے شریک ہوئے۔
انتخابات 12 فروری 2026 کو ہوئے تھے جن میں بنگلادیش نیشنلسٹ پارٹی 209 نشستوں کے ساتھ سب سے بڑی جماعت بن کر سامنے آئی جبکہ اتحادیوں کو 77 نشستیں ملیں۔ یاد رہے کہ اگست 2024 میں سابق وزیراعظم شیخ حسینہ واجد عوامی احتجاج کے بعد مستعفی ہوگئی تھیں اور عبوری نظام میں محمد یونس کو ملکی معاملات سونپے گئے تھے۔
