اسرائیل کی قومی سلامتی کے وزیر بن گویر نے گلوبل صمود فلوٹیلا میں شامل افراد کو دہشتگرد قرار دے دیا۔
قطری نشریاتی ادارے الجزیرہ کی رپورٹ کے مطابق سوشل میڈیا پلیٹ فارمز پر ایک ویڈیو وائرل ہے جس میں انتہائی دائیں بازو کے وزیر بن گویر کو فلوٹیلا میں شامل افراد پر غصہ کرتے اور انہیں دہشتگرد قرار دیتے ہوئے دیکھا جا سکتا ہے۔
ویڈیو میں دیکھا جا سکتا ہے کہ اسرائیلی بحریہ کے ہاتھوں گرفتار فلوٹیلا کے درجنوں کارکنوں ایشدود بندرگاہ پر زمین پر بھٹائے گئے ہیں۔
اس موقع پر اسرائیلی وزیر بن گویر بھی وہاں موجود ہیں جو کہہ رہے ہیں کہ فلوٹیلا کے کارکنوں کے جہاز مکمل طور پر خالی پائے گئے، وہ اپنے ساتھ کوئی امداد نہیں لائے۔
انہوں نے کہا کہ وہ امداد پہنچانے نہیں آئے بلکہ ’دہشتگردوں‘ کیلیے ہیں اور یہ خود بھی دہشتگرد ہیں۔
