“کارپوریٹ دفاتر کے شیشے کے دروازوں کے پیچھے اکثر خواتین اپنی عزت بچانے کی جنگ لڑ رہی ہوتی ہیں… مگر ان کی آواز دب جاتی ہے، کیونکہ بدنامی ہمیشہ عورت کے حصے میں آتی ہے۔ نجی و سرکاری اداروں میں خواتین کارکنان کو ہراساں کرنا ایک سنگین مسئلہ بنتا جا رہا ہے۔اکثر خواتین بدنامی کے خوف یا نوکری جانے کے ڈر سے خاموش رہتی ہیں، جبکہ کئی ادارے مؤثر شکایتی نظام قائم کرنے میں ناکام ہیں۔وقت آ گیا ہے کہ معاشرہ بدنام کرنے والوں کو نہیں بلکہ ہراساں کرنے والوں کو کٹہرے میں لائے۔”
قانون کے مطابق ہر ادارے میں ہراسانی کے خلاف کمیٹی کا قیام لازمی ہے، مگر بیشتر جگہوں پر یہ محض کاغذی کارروائی تک محدود ہے۔
سوشل میڈیا پر آواز بلند ہونے سے کئی کیسز سامنے آئے ہیں اور ملزمان گرفتار بھی ہوئے، مگر یہ مسئلہ اب بھی جڑ سے ختم نہیں ہوا۔
ضروری ہے کہ ادارے شفاف انکوائری سسٹم بنائیں اور خواتین کو اعتماد دیا جائے تاکہ وہ بلا خوف انصاف کے لیے قدم اٹھا سکیں۔
