پاکستان کی سینئر اداکارہ عتیقہ اوڈھو نے حالیہ گفتگو میں اداکار دانش تیمور کی نہ صرف تعریف کی بلکہ ان کے لیے اپنی پسندیدگی کا اظہار بھی نہایت دلچسپ انداز میں کیا۔
عتیقہ اوڈھو نے کہا کہ دانش تیمور نہایت خوبصورت شخصیت کے مالک ہیں اور ان کی ہر عمر کی خواتین میں زبردست فین فالوونگ ہے۔
انہوں نے مسکراتے ہوئے کہا آپ کسی بھی عمر کی لڑکی سے پوچھ لیں، سب کو دانش تیمور کا لک پسند ہے حتیٰ کہ میری ماں بھی ان کی مداح ہیں
انہوں نے مزید بتایا کہ شوبز پروجیکٹس میں اکثر انہیں دانش تیمور کی ماں کے کردار کی پیشکش کی جاتی ہے، کم از کم خالہ ہی بنا دیں اگر کسی کہانی میں نوجوان مرد اور بڑی عمر کی عورت کے درمیان تعلق دکھایا جائے، تو وہ بخوشی دانش تیمور کی ہیروئن کا کردار نبھانے کو تیار ہیں۔
سوشل میڈیا پر عتیقہ اوڈھو کی یہ بات تیزی سے وائرل ہو رہی ہے اور مداح بھی ان کے مزاحیہ شکوے سے خوب محظوظ ہو رہے ہیں۔
