دنیا بھر میں سب سے زیادہ استعمال ہونے والی میسجنگ ایپ واٹس ایپ نے ایک نیا اور منفرد فیچر متعارف کرانے کی تیاری شروع کر دی ہے، جو صارفین کے لیے رابطہ مزید آسان اور تیز بنا دے گا۔
واٹس ایپ اینڈرائیڈ صارفین کے لیے ایک ایسے فیچر کی آزمائش کر رہا ہے جس میں مس کال کےبعدفوری آڈیو میسج بھیجنے کا آپشن شامل ہوگا۔
جب آپ کسی فرد کو واٹس ایپ پر کال کریں گے اور وہ اسے کسی وجہ سے اٹھا نہیں پایا تو میسجنگ ایپ میں ریکارڈ ووائس میسج کا شارٹ کٹ کال اگین اور کینسل بٹن کے ساتھ نظر آئے گا
یہ آپشن اس فرد کے ساتھ چیٹ کے دوران بھی نظر آئے گا۔
یہ آپشن نہ صرف کال کے بعد ظاہر ہوگا بلکہ متعلقہ شخص کے ساتھ چیٹ ونڈو میں بھی دستیاب ہوگا، تاکہ صارف فوری آڈیو پیغام بھیج کر اپنا پیغام مؤثر انداز میں پہنچا سکے۔
یہ نیا فیچر ان صارفین کے لیے خاص طور پر مفید ثابت ہوگا جو فوری بات چیت کے متبادل ذرائع چاہتے ہیں۔ آڈیو میسج کا فوری آپشن نہ صرف وقت بچائے گا بلکہ رابطے کا تسلسل بھی برقرار رکھے گا۔
