لندن میں سیکڑوں فلسطین کے حامی مظاہرین نے مقبوضہ مغربی کنارے میں اسرائیلی بستیوں سے متعلق زمین اور جائیدادوں کی فروخت کے لیے منعقدہ تقریب کے خلاف احتجاج کیا۔
مظاہرین نے اس اقدام کو بین الاقوامی قانون کی خلاف ورزی قرار دیتے ہوئے فلسطینی اراضی کی فروخت روکنے کا مطالبہ کیا۔ احتجاج کے دوران اسرائیل کے حامی افراد بھی موقع پر موجود تھے، جس کے باعث کشیدگی کی صورتحال پیدا ہوگئی۔
لندن پولیس کے مطابق مختلف الزامات کے تحت 15 افراد کو گرفتار کیا گیا، جبکہ تقریب کے انعقاد پر برطانیہ بھر میں انسانی حقوق کے کارکنوں اور سیاست دانوں نے بھی اعتراضات اٹھائے۔ رپورٹس کے مطابق تقریباً 100 برطانوی ارکانِ پارلیمان نے حکومت سے مطالبہ کیا تھا کہ بین الاقوامی قوانین کے تحت ایسی سرگرمیوں کو روکا جائے۔
