اسلام آباد: ترجمان سپارکو کے مطابق کل 18 اپریل کو ذوالقعد کے چاند کے نظر آنے کے روشن امکانات موجود ہیں، جس کے بعد یکم ذوالقعد 19 اپریل بروز اتوار ہونے کی توقع ہے۔
بیان میں کہا گیا ہے کہ نیا چاند 17 اپریل کی صبح 4 بج کر 52 منٹ پر پیدا ہو چکا ہے۔
غروبِ آفتاب کے وقت چاند کی عمر 26 گھنٹے سے زائد ہوگی۔
سپارکو کے مطابق ساحلی علاقوں میں چاند نظر آنے کا وقت 81 منٹ تک ہوگا۔
ترجمان نے واضح کیا کہ نئے اسلامی مہینے کا حتمی اعلان رویت ہلال کمیٹی کرے گی۔
انہوں نے کہا کہ چاند کی رویت کا فیصلہ مستند شہادتوں کی بنیاد پر کیا جائے گا۔
