لاہور کے علاقے نواب ٹاؤن میں دن دہاڑے سکوٹی سوار لڑکی سے ڈکیتی کے واقعے پر وزیرِ اعلیٰ پنجاب مریم نواز نے فوری نوٹس لیتے ہوئے پولیس کو ملزم کی 8 گھنٹے میں گرفتاری کا حکم دے دیا ہے۔
مریم نواز کا کہنا تھا کہ کسی بیٹی کے ساتھ اس نوعیت کا واقعہ انتہائی افسوسناک ہے، بیٹیاں اور بہنیں ریڈ لائن ہیں اور ان کا تحفظ ہر صورت یقینی بنایا جائے گا۔ انہوں نے پولیس کو ہدایت دی کہ ایسے واقعات کی روک تھام کے لیے مؤثر حکمت عملی اپنائی جائے اور شہریوں کو فوری تحفظ فراہم کیا جائے۔
پولیس کے مطابق متاثرہ لڑکی کے والد کی مدعیت میں نامعلوم ملزم کے خلاف مقدمہ درج کر لیا گیا ہے جبکہ ملزم کی گرفتاری کے لیے کارروائیاں تیز کر دی گئی ہیں۔
