ویمنز ورلڈ کپ کے 11ویں میچ میں نیوزی لینڈ نے بنگلادیش کو 100 رنز سے شکست دے دی۔
گوہاٹی میں کھیلے گئے میچ میں نیوزی لینڈ کی جانب سے دیے گئے 228 رنز کے تعاقب میں بنگلادیش کی ٹیم 39.5 اوورز میں 127 رنز پر ڈھیر ہوگئی۔
فہیمہ خاتون 33 رنز بنا کر نمایاں رہیں، رابعہ خان نے 25 رنز بنائے، ناہیدہ اختر 17 رنز بنا کر پویلین لوٹ گئیں۔
بنگلادیشی ویمنز ٹیم کی 7 کھلاڑی ڈبل فگر میں بھی داخل نہ ہوسکیں۔
نیوزی لینڈ کی جانب سے جیس کیر اور لیا نے تین، تین کھلاڑیوں کو آؤٹ کیا۔
اس سے قبل نیوزی لینڈ کی ٹیم نے مقررہ اوورز میں 9 وکٹوں کے نقصان پر 227 رنز بنائے اور بنگلادیش کو جیت کے لیے 228 رنز کا ہدف دیا تھا۔
کپتان صوفی ڈیونے نے 63 رنز کی ذمہ دارانہ اننگز کھیلی، بروک ہیلی ڈے 69 رنز بنا کر نمایاں رہیں۔
بنگلادیش کی جانب سے رابعہ خان نے تین کھلاڑیوں کو آؤٹ کیا، معروفہ اور ناہیدہ اختر نے ایک، ایک وکٹ حاصل کی تھی
