ٹی ایل پی کے کتنے کارکنان گرفتار ہوئے؟ تفصیلات سامنے آ گئیں

ٹی ایل پی کے پرتشدد مظاہرین کے خلاف پولیس چھاپوں میں گرفتار کارکنوں کی تعداد اور مقدمات کی تفصیلات جاری کر دی گئیں۔
رہنما نیوز کے مطابق پنجاب پولیس نے تحریک لبیک پاکستان کے پرتشدد مظاہرین کے خلاف صوبہ بھر میں کریک ڈاؤن کے دوران گرفتاریوں کے اعداد شمار جاری کیے ہیں، جس کے مطابق صبوے بھر سے ٹی ایل پی کے مجموعی طور پر 2716 پرتشدد مظاہرین کو گرفتار کیا گیا ہے۔
پولیس کے مطابق لاہور سے 251، شیخوپورہ سے 178، منڈی بہاؤالدین میں 190 جب کہ راولپنڈی سے 155 پرتشدد مظاہرین کو گرفتار کیا گیا ہے۔
اس کے علاوہ فیصل آباد سے 143، گوجرانوالہ نے 135، سیالکوٹ سے 128 اور اٹک سے 121 مشتعل مظاہرین پکڑے گئے۔
ان ملزمان کے خلاف پنجاب بھر کے تھانوں میں مجموعی طور پر 76 مقدمات درج ہیں۔ سب سے زیادہ 39 مقدمات لاہور جب کہ شیخوپورہ میں 8 مقدمات درج ہوئے۔
پنجاب بھر میں مظاہرین کے حملوں میں ایک پولیس انسپکٹر شہید جب کہ 250 پولیس افسران اور اہلکار زخمی ہوئے ہیں۔
سب سے زیادہ لاہور میں 142 افسران اور اہلکار زخمی ہوئے۔ اس کے علاوہ شیخوپورہ میں 48 گھائل ہوئے ہیں