عبیر اسد اور سبحان عمیس مشہور پاکستانی ماڈلز ہیں جو فیشن ماڈلنگ میں اپنی شاندار صلاحیتوں کی وجہ سے جانے جاتے ہیں اور بہترین ماڈل کے طور پر ایوارڈز بھی جیت چکے ہیں۔
عبیر اور سبحان نے فروری 2025 میں شادی کی تھی جس کی تصاویر سوشل میڈیا پر وائرل ہوگئی تھیں اور جوڑے کے لیے دوستوں نے نیک خواہشات کا اظہار کیا تھا۔
ماڈل سبحان عمیس نے اپنی انسٹاگرام اسٹوری میں اہلیہ ماڈل عبیر اسد سے علیحدگی اختیار کرنے کی تصدیق کی۔
انہوں نے اسٹوری میں بتایا کہ انہوں نے اور ان کی اہلیہ نے باہمی رضامندی سے ایک دوسرے سے علیحدگی اختیار کرلی، تاہم تاحال ان کے درمیان طلاق نہیں ہوئی۔
انہوں نے لکھا کہ اگرچہ تاحال ان کی طلاق کے معاملات مکمل نہیں ہوئے لیکن یہ طے ہے کہ ان کے درمیان طلاق ہوگی۔
سبحان عمیس کی جانب سے اہلیہ سے علیحدگی اور ان سے جلد طلاق کے معاملات طے ہوجانے کی پوسٹ وائرل ہوگئی اور دوسرے سوشل میڈیا پیجز نے بھی اسے شیئر کیا۔
