پتنگ بازوں کیخلاف سخت کارروائی کی ہدایت

اس حوالے سے ایس پی کینٹ کی زیر صدارت ایس ڈی پی اوز، ایس ایچ اوز، چوکی انچارجز کا اجلاس ہوا، اجلاس میں کرائم کنٹرول اور پولیس کارکردگی کا تفصیلی جائزہ لیا گیا ۔
ترجمان پولیس کا کہنا ہے کہ اجلاس سے خطاب کرتے ہوئے ایس پی کینٹ قاضی علی رضا نے کہا کہ مددگار 15 کال پر بروقت ریسپانس اور قانونی کارروائی ہر صورت یقینی بنائی جائے۔
انہوں نے سختی سے ہدایات دیں کہ شہر میں پتنگ بازوں اور پتنگ سازوں کیخلاف مزید کارروائیاں اور بھرپور کریک ڈاؤن جاری رکھا جائے۔
قاضی علی رضا نے کہا کہ متحرک اسٹریٹ کرمنلز اور نقب زنوں کو فوری گرفتار کیا جائے، موٹرسائیکل چوری کے انسداد کیلئے مؤثر اقدامات کیے جائیں۔
ایس پی کینٹ کا کہنا تھا کہ جرائم کا کنٹرول اور پولیس کارکردگی میں بہتری اولین ترجیح ہے، اشتہاری ملزمان اورمفروروں کی گرفتاری کےٹارگٹس ہرصورت مکمل کیےجائیں۔
علاوہ ازیں کراچی کے علاقے ڈیفنس میں سی ویو ساحل کے قریب ایک پارکنگ ایریا سے 2 افراد کی لاشیں ملی ہیں، لاشیں پراڈو گاڑی کے اندر موجود تھیں۔اطلاع ملتے ہی اہلکاروں نے جائے وقوعہ پہنچ کر دونوں لاشوں کو تحویل میں لے لیا۔ ابتدائی طور پر موت کی وجہ دم گھٹنا ہوسکتی ہے