اسپیکر نے نومنتخب وزیراعلیٰ کے پی سے حلف کیلیے گورنر کو سمری ارسال کر دی

اسپیکر خیبر پختونخواہ اسمبلی نے نومنتخب وزیراعلیٰ سے حلف لینے کے لیے گورنر کو سمری ارسال کر دی ہے۔
علی امین گنڈاپور کے استعفیٰ کے بعد آج کے پی اسمبلی نے نئے وزیراعلیٰ کا انتخاب کر لیا اور پی ٹی آئی کے نامزد امیدوار سہیل افراد 90 ووٹ لے کر وزیراعلیٰ منتخب ہو گئے۔
نومنتخب وزیراعلیٰ سے حلف لینے کے لیے اسپیکر خیبر پختونخوا اسمبلی بابر سلیم نے گورنر کے پی فیصل کریم کنڈی کو سمری ارسال کر دی ہے۔
اسپیکر کے پی کی جانب سے بھیجے گئے مراسلے میں کہا گیا ہے کہ ممبر خیبر پختونخوا اسمبلی سہیل آفریدی ایوان سے 90 ووٹ لے کر وزیراعلیٰ منتخب ہو چکے ہیں۔ آئین کے تحت وزارت اعلیٰ کی ذمہ داری سنبھالنے اور صوبے کا نظم ونسق چلانے کے لیے سہیل آفریدی سے حلف لیا جائے۔
اس سے قبل پاکستان تحریک انصاف نے بھی پشاور ہائیکورٹ میں درخواست دائر کی ہے۔ اس درخواست میں چیف جسٹس سے استدعا کی گئی ہے کہ گورنر کے پی کی عدم موجودگی میں نومنتخب وزیراعلیٰ سے حلف لینے کے لیے آئین کے تحت کسی کی نامزدگی کی جائے