اسٹیٹ بینک آف پاکستان نے رواں سال کی آخری مانیٹری پالیسی جاری کرتے ہوئے شرح سود میں کمی کا اعلان کر دیا ہے۔ اسٹیٹ بینک نے پالیسی ریٹ میں 50 بیسز پوائنٹس کمی کی ہے، جس کے بعد شرح سود 11 فیصد سے کم ہو کر 10.5 فیصد ہو گئی ہے۔
یاد رہے کہ اس سے قبل اسٹیٹ بینک آف پاکستان نے مسلسل چار مرتبہ شرح سود کو 11 فیصد پر برقرار رکھا تھا۔ مہنگائی میں کمی کے باوجود شرح سود زیادہ ہونے پر تاجر برادری اور کاروباری حلقے طویل عرصے سے شرح سود میں کمی کا مطالبہ کر رہے تھے۔
معاشی ماہرین کے مطابق شرح سود میں کمی سے سرمایہ کاری، کاروباری سرگرمیوں اور معاشی نمو کو فروغ ملنے کی توقع ہے۔
