جسٹس طارق محمود جہانگیری نے کہا کہ قرآن پاک پر حلف لے کر کہتا ہوں کہ میری ڈگری اصل ہے۔
اسلام آباد ہائی کورٹ میں جسٹس طارق محمود جہانگیری کی ڈگری سے متعلق تنازع کیس کی سماعت ہوئی۔ سماعت کے دوران چیف جسٹس اسلام آباد ہائی کورٹ سرفراز ڈوگر نے ریمارکس دیے کہ جسٹس طارق محمود جہانگیری خود عدالت میں پیش ہوئے ہیں اور عدالت صرف انہی کا مؤقف سننا چاہتی ہے۔
عدالت میں جسٹس طارق محمود جہانگیری نے کہا کہ وہ قرآنِ پاک پر حلف لے کر بیان دیتے ہیں کہ ان کی ڈگری اصل ہے۔ انہوں نے عدالت سے مؤقف پیش کرنے کے لیے مزید وقت دینے کی استدعا بھی کی، جس پر عدالت نے کیس کی مزید سماعت ملتوی کر دی۔
