’شام نے 10ماہ میں 28 ارب ڈالر سرمایہ کاری کے معاہدے کیے‘

شامی کے صدر احمد الشراع نے کہا ہے کہ معیشت میں بہتری آنے پر غیرملکی سرمایہ کاروں کو فنڈز بیرون ملک منتقل کرنے کی اجازت دے دی۔
ریاض میں ایف آئی آئی کانفرنس میں سعودی ولی عہد محمد بن سلمان کی آمد پر ڈونلڈٹرمپ جونیئر اور شامی صدر احمدالشراعہ نے ولی عہد کا خیرمقدم کیا۔ عالمی سرمایہ کاری کانفرنس میں اہم عالمی رہنما اور سرمایہ کار شریک ہیں۔
شامی صدر نے کہا کہ شام نے 10ماہ میں 28 ارب ڈالر سرمایہ کاری کے معاہدے کیے غیرملکی سرمایہ کار اب فنڈز ملک سے باہر منتقل کر سکتے ہیں۔
انہوں نے کہا کہ شام و سعودی عرب کے اقتصادی تعلقات مزید مضبوط ہو گئے خطے کی اقتصادی سلامتی میں ہمارا کردار بنیادی ہے، معیشت کی ترقی کا وژن 2030 پورے خطے کیلئے ہے شام  آئندہ چند سال میں بڑی عالمی معیشتوں میں شامل ہو سکتاہے۔
صدر احمد الشراعی کا کہنا تھا کہ خلیجی ممالک، اردن اور ترکی سے اقتصادی تعاون بڑھانے پر بات چیت جاری ہے امریکی کمپنیوں نے بھی شام میں سرمایہ کاری میں دلچسپی ظاہر کی ہے جب کہ پناہ گزینوں کی واپسی اور خطے میں استحکام کیلئےاقدامات جاری ہیں