سیکیورٹی فورسز نے کرم میں خفیہ اطلاعات پر آپریشن کیا اس دوران فائرنگ کے تبادلے میں کیپٹں سمیت 6 جوان شہید اور 7 خوارج مارے گئے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے ضلع کرم کے علاقے ڈوگر میں خفیہ اطلاعات پر انٹیلیجنس بیسڈ آپریشن کیا اس دوران بھارتی اسپانسرڈ 7 خوارج ہلاک ہوگئے۔
آئی ایس پی آر کا کہنا ہے کہ فائرنگ کے تبادلے میں کیپٹن نعمان سلیم سمیت 6 جوان شہید ہوگئے۔
ترجمان پاک فوج کا کہنا ہے کہ کیپٹن نعمان نے طبی فرائض کے ساتھ محاذ پر بہادری سے لڑتے ہوئے شہادت پائی، شہدا میں حوالدار امجد علی، نائیک وقاص احمد، سپاہی اعجاز علی شامل ہیں، سپاہی محمد ولید اور سپاہی محمدد شہباز نے بھی جام شہادت نوش کیا۔
آئی ایس پی آر کے مطابق علاقے میں مزید دہشت گردوں کی تلاشکے لیے سینیٹائزیشن آپریشن جاری ہے، شہدا نے وطن کی خاطر اپنی جانوں کا نذرانہ پیش کیا، سیکیورٹی فورسز کا عزم ہے کہ دہشت گردوں کا مکمل خاتمہ کیا جائے گا۔
ترجمان پاک فوج کا کہنا ہے کہ بھارت کی سرپرستی میں سرگرم خوارج کے خلاف آپریشنز میں تیزی آئی ہے، عزم استحکام کے تحت دہشت گردوں کے خاتمے کے لیے کارروائیاں جاری رہیں گی، سیکیورٹی فورسز اور ادارے دہشت گردی کے مکمل خاتمے کے لیے پرعزم ہیں
