سعودی عرب کے ’اسکائی اسٹیڈیم‘ کی وائرل ویڈیو کی حقیت سامنے آگئی

سعودی عرب کے ’اسکائی اسٹیڈیم‘ کی وائرل ویڈیو کی حقیت سامنے آگئی ہے۔
سوشل میڈیا پر سعودی عرب کے’اسکائی اسٹیڈیم‘ کی وائرل ویڈیو جعلی نکلی ہے، رپورٹ کے مطابق مصنوعی ذہانت سے بنی ویڈیو کو 2034 ورلڈ کپ کے اسٹیڈیم کا ڈیزائن سمجھ لیا گیا لیکن ویڈیو کا سعودی حکومت کے کسی سرکاری منصوبے سے تعلق نہیں ہے۔
خیال رہے کہ پہلے اس ویڈیو کے بارے میں خبر سامنے آئی تھی کہ سعودی عرب نے نیوم اسٹیڈیم بنانے کا منصوبہ پیش کیا ہے، جسے دنیا کا پہلا “اسکائی اسٹیڈیم” قرار دیا گیا۔
گزشتہ ہفتے اس ویڈیو کو جس میں ایک بلند و بالا عمارت کے اوپر چمکتا ہوا فٹبال اسٹیڈیم دکھایا گیا تھا، لاکھوں صارفین نے شیئر کی اور اسے سعودی عرب کے نئے ورلڈکپ اسٹیڈیم کا سرکاری خاکہ سمجھ لیا گیا تھا۔
یہ ڈیزائن مکمل طور پر جعلی ہے اور سعودی عرب کے کسی منصوبے سے اس کا کوئی تعلق نہیں، یہ کسی سرکاری ذریعے میں موجود ہی نہیں ہے۔
اس ویڈیو کے بنانے والے کا انسٹاگرام اکاؤنٹ “hyporaultraworks” ہے، جو باقاعدگی سے مستقبل کے تصوراتی اسٹیڈیمز کی اے آئی ویڈیوز شیئر کرتا ہے۔
اکاؤنٹ کے مالک نے بتایا کہ وہ ہی اس ویڈیو کے اصل خالق ہیں۔ انہوں نے اس حوالے سے کہا کہ یہ محض ایک سادہ اے آئی کانسیپٹ تھا جو اب اپنی الگ زندگی اختیار کرچکا ہے، ڈیزائن دنیا بھر میں وائرل ہوگیا اور اسے غلط سمجھ لیا گیا۔
تخلیق کار نے مزید واضح کیا کہ ان کی اس ویڈیو کا سعودی عرب سے کوئی تعلق نہیں اور یہ صرف ایک تخلیقی اے آئی تجربہ تھا، جس میں یہ دکھایا گیا کہ اگر کسی آسمان کو چھوتی عمارت پر فٹبال اسٹیڈیم بنایا جائے تو وہ کیسا لگے گا۔
سعودی عرب میں دنیا کا پہلا ہوا میں معلق ’’اسکائی اسٹیڈیم‘‘ تعمیر ہوگا!