کراچی کی سڑکوں پر ٹریفک حادثات کے باعث رواں سال 308 دنوں میں 733 افراد جاں بحق ہوئے، جن میں ہیوی گاڑیوں یعنی ڈمپر، ٹریلر، واٹر ٹینکر اور بسوں کے ہاتھوں 219 افراد کچلے گئے۔ ریسکیو حکام کے مطابق، ڈمپر کی زد میں آکر 40، ٹریلر کی ٹکر سے 82، واٹر ٹینکر کی ٹکر سے 49 اور بسوں کی ٹکر سے 29 افراد جان کی بازی ہار گئے، جبکہ مجموعی حادثات میں 10,651 شہری زخمی ہوئے، جو شہر میں بے لگام ہیوی ٹریفک کے خطرے اور ٹریفک قوانین پر سختی سے عمل درآمد کی اشد ضرورت کو واضح کرتا ہے.
ریسکیو حکام کے مطابق ٹریفک قوانین کی خلاف ورزیاں، گاڑیوں کی ناقص حالت اور سڑکوں کی بگڑتی صورتحال ان ہلاکتوں کی اہم وجوہات میں شامل ہیں۔ شہری حلقوں نے انتظامیہ سے مؤثر کارروائی اور ہیوی ٹریفک کے اوقات کار پر سختی سے عمل درآمد کا مطالبہ کیا ہے۔
