صنم جاوید کے مبینہ اغوا کا مقدمہ درج کرلیا گیا

پشاور : پاکستان تحریک انصاف (پی ٹی آئی) صنم جاوید کے مبینہ اغوا کا مقدمہ درج کرلیا گیا ، وزیراعلیٰ خیبرپختونخوا نے واقعے کی شفاف تحقیقات کا حکم دے دیا۔
تفصیلات کے مطابق پشاور میں پی ٹی آئی رہنما صنم جاوید کے مبینہ اغوا کے معاملے پر ایف آئی آر درج کرلی گئی ہے۔
ترجمان وزیراعلیٰ خیبرپختونخوا نے بتایا کہ مقدمہ ایڈووکیٹ حرا بابر کی مدعیت میں تھانہ شرقی میں درج کیا گیا۔
ترجمان کا کہنا تھا کہ وزیراعلیٰ علی امین گنڈاپور نے واقعے کا سخت نوٹس لیتے ہوئے متعلقہ حکام کو واقعے کی مکمل اور شفاف تحقیقات کرنے کا حکم دیا ہے۔
وزیراعلیٰ نے ہدایت کی ہے کہ واقعے میں ملوث عناصر کو قانون کے مطابق فوری طور پر گرفتار کیا جائے اور حقائق عوام کے سامنے لائے جائیں۔