سانحہ کارساز ، چیئرمین بلاول بھٹو زرداری کا اہم پیغام

پاکستان پیپلزپارٹی کے چیئرمین بلاول بھٹو زرداری نے 18اکتوبر کو سانحہ کارساز کے موقع پر ملک بھر کے تمام ضلعی ہیڈکوارٹرز میں دعائیہ تقاریب کے انعقاد کی ہدایات جاری کرتے ہوئے کہا ہے کہ سانحہ کارساز کے شہداء نے جمہوریت کی روشنی کو جلا بخشا۔ انہوں نے کہا کہ پاکستان کے ہر ضلع میں ہونے والی ان تقاریب میں پیپلزپارٹی کے کارکنان، ہمدرد، تنظیمی عہدیداران، ٹکٹ ہولڈرز اور منتخب نمائندے اپنے اپنے اضلاع میں شریک ہوں۔پیپلز پارٹی کے زیر اہتمام ملک بھر میں دعائیہ تقریبات کا اہتمام کیا جائے گا ،شہدا کی یاد میں شمعیں روشن کی جائیں گی۔