سلمان آغا کا میچ سے قبل قومی ویمنز ٹیم کیلیے اہم پیغام

ویمنز ون ڈے ورلڈ کپ میں بھارت کے خلاف میچ سے قبل قومی کپتان سلمان آغا نے پاکستان ٹیم کیلیے اہم پیغام دیا ہے۔
آئی سی سی ویمنز ون ڈے ورلڈ کپ کا سب سے بڑا مقابلہ پاکستان اور بھارت کے درمیان آج پریماداسا اسٹیڈیم میں کھیلا جا رہا ہے۔ قومی مینز ٹی 20 ٹیم کے کپتان سلمان علی آغا نے میچ سے قبل پاکستانی ٹیم کیلیے اہم پیغام دیا ہے۔
سلمان علی آغا نے ویمنز ٹیم کیلیے آج کے میچ کیلیے نیک خواہشات کا اظہار کرتے ہوئے کہا ہے پوری ٹیم کی بھرپور سپورٹ کا اعلان کیا ہے اور کہا ہے کہ جان لگا کر کھیلیں اور ٹرافی جیت کر لائیں۔
ان کا کہنا تھا کہ فاطمہ ثنا اور سدرہ امین اچھا کھیل رہی ہیں۔ مجھے امید ہے کہ آج کے میچ میں دونوں اچھا پرفارم کر کے ٹیم کو فتح سے ہمکنار کرائیں گی