صاحبزادہ فرحان کی بھارت کیخلاف مسلسل دوسری طوفانی نصف سنچری

ایشیا کپ 2025 کا فائنل روایتی حریفوں پاکستان اور بھارت کے درمیان کھیلا جا رہا ہے۔ اس بڑے مقابلے میں گرین شرٹس اوپنرز صاحبزادہ فرحان اور فخر زمان نے پہلے محتاط بیٹنگ شروع کی اور پھر جارحانہ انداز اختیار سے بیٹنگ کر رہے ہیں۔
صاحبزادہ فرحان نے اس میچ میں بھی بھارت کے خلاف جارحانہ انداز اختیار کرتے ہوئے 35 گیندوں پر نصف سنچری مکمل اور 38 گیندوں پر 57 رنز بنا کر آؤٹ ہوئے۔ ان کی طوفانی اننگ میں 3 چھکے اور 5 چوکے شامل ہیں۔
انہوں نے مسلسل تیسرے میچ میں بھارت اسٹار فاسٹ بولر بمراہ کو نشانے پر رکھتے ہوئے ایک چھکا اور دو چوکے مارے۔
واضح رہے کہ صاحبزادہ فرحان کی یہ ٹورنامنٹ میں دوسری نصف سنچری ہے اور دونوں ہی نصف سنچریاں روایتی حریف بھارت کے خلاف بنائیں۔ اس کے ساتھ ہی پاکستانی اوپنر ایشیا کپ میں مجموعی طور پر 217 رنز بنا کر ٹورنامنٹ کے تیسرے ٹاپ اسکورر بن گئے ہیں۔
صاحبزادہ فرحان نے سال 2025ء میں 35 اننگز کھیلی اور 1500 رنز مکمل کیے، وہ ایک سال میں ٹی20 کرکٹ میں یہ کارنامہ انجام دینے والے چوتھے پاکستانی بیٹر بن گئے ہیں۔
بابر اعظم، محمد رضوان اور شان مسعود بھی ایک سال میں 1500 رنز کرچکے ہیں، بابر اعظم نے 2019، 2021 اور 2024 میں 3 مرتبہ، محمد رضوان نے 2021 اور 2022 جبکہ شان مسعود نے سال 2022 میں یہ سنگ میل عبور کیا تھا