پی ایس ایل فرنچائز ملتان سلطانز کو ٹیم کی منسوخی کا نوٹس

لاہور- پاکستان کرکٹ بورڈ نے پی ایس ایل فرنچائز ملتان سلطانز کو ٹیم کی منسوخی کا نوٹس بھیج دیا۔
ذرائع کے مطابق پی سی بی نے تمام قانونی تقاضے پورے کرنے کے بعد فرنچائز کا معاہدہ ختم کرنے کے لیے باضابطہ نوٹس بھی بھیج دیا ہے، نوٹس میں چارج شیٹ دی گئی ہے۔
ذائع کا کہنا ہے کہ فرنچائز کیخلاف مالی بے ضابطگیاں اور دیگر چارجز ہیں، اور فرنچائز کے مالک علی ترین کے بار بار پی سی بی اور پی ایس ایل انتظامیہ پر عوامی سطح پر کیے گئے تنقیدی بیانات کے بعد کی گئی۔
ذرائع نے بتایا کہ پاکستان کرکٹ بورڈ نے علی ترین سے الزامات پر معافی مانگنے کا مطالبہ کیا تھا، واضح رہے کہ اپریل میں علی ترین نے ایک پوڈکاسٹ کلپ شیئر کرتے ہوئے ایکس پر لکھا تھا کہ ’پی ایس ایل 10 بڑا اور بہتر کیسے ہے؟ وہی میچز، وہی ٹیمیں، نیا کیا ہے؟۔
انہوں نے کہا تھا کہ کھوکھلے نعروں سے تنگ آ چکے ہیں، پی سی بی کے پاس جدت لانے کا وقت تھا لیکن ہم پچھلا سال دہرا رہے ہیں، ہمارا سب سے بڑا برانڈ بہتر منصوبہ بندی کا حقدار ہے، وژن واضح کریں!‘۔
اس بیان پر تنقید کے چند دن بعد علی ترین نے وضاحت کرتے ہوئے کہا تھا کہ ’مجھے پی ایس ایل سے محبت ہے، یہ پاکستان میں جنم لینے والی کامیابی کی کہانی ہے جس سے ہم سب فائدہ اٹھاتے ہیں، میری بات منفی نہیں تھی، اس کا مقصد بہتری کے لیے دباؤ ڈالنا تھا۔